Altbayrische
Weihnachten
Auf an goldigen Schimmi
reit´s Christkindl vom Himmi,
hat a Sackl guati Sach´n,
daß die Kinder grad lach´n.
Und der Schnee tuat glitz´n,
und die Stern, die tean blitz´n.
Und die Kerz´n im Dunkeln,
ganz absunderlich funkeln.
Was hat dös zu bedeuten,
daß die Glock´n so läuten
und die Büchs´n so krachen
und a Mordsmett´n machen ?
Horch!
Da hört man was singa
und a Musi tuat klinga :
O du heilige Nacht,
hast uns´s Christkindl bracht!
F.X.
Rambold