Su genga die Geng

„Su genga die Geng“
soong in Närmberg die Leit
und sie maana es Lebm
und sie maana die Zeit.

Vill koo des bedeitn
und oft widder weng,
zuckt aner die Achsln:
„Su genga die Geng“.

„Mach mer halt a su weiter,
mir werns nou scho seng“,
mant mer a mit dem Wörtla
„Su genga die Geng“.

Ka Angst vur der Zukunft
und Vertraua net zweng,
gaihts anderscht,
nou song mer
„Su genga die Geng“.

Leit geberts grod gnouch,
ober Menschn vill zweng -
„Dou koh mer nix mach’n,
su genga die Geng!“.

Aus „Su genga die Geng“, Verlag A.Hofmann, Nürnberg