|
MEI
GOLDKEFERLA Mei jung’s Herz woar off’n. - Wöi’s manchmoal si gibt, i ho di kaum troff’n, scho woar i verliebt. G’falln houst ma glei vo weit’n mit deini achtzeah Joahr, und glänzt hob’n wöi Seid’n deini goldblond’n Hoar. I ho’s zärtli g’streich’lt und „Goldkeferla“ g’sagt, und Späß g’macht und g’schmeich’lt und g’sunger und g’glacht. Mir hob’n ball verhasp’lt die silberna Sträng und Söißhulz nou g’rasp’lt. Su genga di Gäng’! Di Kerschbaim verbloiher und di Blättli fall’n ro; di Herzn verglöiher und der Alltog goiht oh. Mir hob’n si oft z’sammg’setzt und onanander g’riebn: Ös Gold hout si ohg’wetzt, ös Keferla is blieb’n. |
Aus „Nürnberg und drum rum“, Julius
Friedrich Leinberger, |