Is erschte Gebood
Ich bin der Herr, dei Godd!
Du därfsd nix anders für
wichdicher haldn, als wäi miich!
Überhabds nix!
Is zweite Gebood
Du dousd mi beleidichn,
wennsd gedangknlous
"Ach Godd!" saggsd,
floung sollsd aa ned!
Mein Nama is hailich!
Is dridde Gebood
Am Feierdooch sollsd su lebm,
als wenni bei dir af Bsouch wär!
Is värdde Gebood
Dei Vadder is allawall dei Vadder
und dei Mudder immer nu dei Mudder!
Du sollsd ders in Ehrn haldn.
Dengk droo, daßd selwer aar amol ald wärsd.
Is fünfte Gebood
Du därfsd deine Middmenschn
nix oudou! Umbringer därfsds
scho glei goar ned!
Is sechste Gebood
Du därfsd nix dou und dreibm,
wos dei Eh kabudd machd!
Is sibbde Gebood
Du därfsd nix nehmer,
wos der ned gkärd!
Is achde Gebood
Über dei Middmenschn sollsd
nix Schlechtds redn!
Is neinde Gebood
Du därfsd ned neidisch sei
af dein Nachbern sei Heisla
oder wou er derhamm is!
Is zehnte Gebood
Du därfsd kann Glussderer ned hobm,
af dein Nachbarn sei Fra
odder deiner Nachberi ihrn Mo,
aa ned af seine Leid
odder wosn sunsd nu alles gkärd!